Gandaki

पोखरा महानगरपालिकाको मतगणना रोकिएको छ।

पोखरा महानगरपालिकाका दुई वटा वडाको पुनः मतगणना गर्नुपर्ने माग नेकपा एमालेले गरेको छ।

कास्कीको पोखरा महानगरपालिकाको मेयरका उम्मेदवार धनराज आचार्यले पोखरालाई पर्यटनको राजधानी घोषणा गर्न सरकारसँग औपचारिक प्रस्ताव गर्ने बताएका छन्।

तनहुँको व्यास नगरपालिका प्रमुखमा नेपाली कांग्रेसका उम्मेदवार वैकुण्ठनाथ न्यौपाने विजयी भएका छन्।

पोखरा महानगरपालिकाको मतगणना करिब ७५ प्रतिशत सकिएको छ। मेयरमा सत्तारुढ गठबन्धनबाट मेयरका प्रत्यासी नेकपा एकीकृत समाजवादीका धनराज आचार्य झन्ड‌ै ३ हजार ३ सय मत नेकपा एमालेका कृष्ण थापाभन्दा अघि छन्।

स्याङ्जाको वालिङ नगरपालिकाको मेयरमा एमाले र उपेमयरमा नेपाली कांग्रेस विजयी भएको छ।

गुल्मीको कालिगण्डकी गाउँपालिकामा नेपाली कांग्रेसका उम्मेदवार बेद बहादुर थापा निर्वाचित भएका छन्।

स्याङ्जाको भिरकोट नगरपालिकामा नेपाली कांग्रेस विजयी भएको छ। नगरपालिकाको मेयरमा नेपाली कांग्रेसका गोविन्द कुमार कर्माचार्य निर्वाचित भए।

दानबहादुरकी श्रीमती जमुना कुँवर (२६) दुई जिउकी थिइन्। उनको सुत्केरी हुन केही हप्ता मात्र बाँकी थियो। र पनि उनी मत दिनको लागि वालिङ जान तयार भइन्। दानबहादुरले जमुनाको हातमा पाँच...

मुस्ताङको थासाङ गाउँपालिका अध्यक्षमा नेकपा एमाले विजयी भएको छ।

गुल्मीको कालिगण्डकी गाउँपालिका–२ मा नेपाली कांग्रेस विजयी भएको छ। कांग्रेसबाट रेशमराज न्यौपानेले एक मतले विजयी भएका हुन्।

चीनसँगको सीमा कोरोलामा अवस्थित मुस्ताङको लोमान्थाङ गाउँपालिका अध्यक्ष र उपाध्यक्ष नेकपा एमाले जितेको छ।

शुक्रबार भएको स्थानीय निर्वाचन अन्तर्गत हालसम्म गण्डकी प्रदेशका आठ वटा पालिकाको नतिजा सार्वजनिक भएको छ।

मुस्ताङको वारागुङ मुक्तिक्षेत्र गाउँपालिका अध्यक्षमा नेकपा एमालेका उम्मेदवार रिङजीन नामगेल गुरुङ विजयी भएका छन्।

चामेमा ६१० मत खसेकोमा उनले ३२० मत प्राप्त गरेका थिए। घलेले कांग्रेसका उम्मेदवार छिरिङ दोर्जे लामालाई ४१ मतले पराजित गरेका हुन्। गाउँपालिका उपाध्यक्षमा भने कांग्रेसका उम्मेदवारले जित हात पारेका छन्।

मनाङको ङिस्याङ गाउँपालिकामा नेकपा एमालेका उम्मेदवार विजयी भएका छन्।

पश्चिम नवलपरासीका ७ स्थानीय तहका १० वटा मतदानस्थलमा राति ८ बजेसम्म मतदान हुने भएको छ। पानी परेका कारण केही मतदानस्थलमा मतदान ढिलो भएको हो।

गोरखाको उत्तरी क्षेत्रका चारवटा केन्द्रमा मतदान सकिएको छ। चुमनुब्री गाउँपालिका वडा नम्बर १ र ४ का केन्द्रमा मतदान सकिएको हो।

हललाई मतगणनास्थल तयः गरी आवश्यक पूर्वाधारसहित सिसीक्यामरा जडान गरिएको मुख्य निर्वाचन अधिकृत राजेन्द्र नेपालले जानकारी दिए।

आगामी आर्थिक वर्षको नीति तथा कार्यक्रम र बजेटमा जुटेको गण्डकी प्रदेश सरकारले राष्ट्रिय योजना आयोगको पूर्व उपाध्यक्षहरूसहित विज्ञसँग छलफल गरेको छ।