नवलपरासीका १० स्थानमा राति ८ बजेसम्म मतदान

काठमाडौं– पश्चिम नवलपरासीका ७ स्थानीय तहका १० वटा मतदानस्थलमा राति ८ बजेसम्म मतदान हुने भएको छ। पानी परेका कारण केही मतदानस्थलमा मतदान ढिलो भएको हो।

सुनवलको अमर ज्योति आधारभूत विद्यालयको मतदान केन्द्रमा भने मतदान अधिकृत अचानक बेहोस भएपछि मतदान ढिला सुरु भएको थियो। ढिला भएका सबै स्थानमा अहिले मतदान भइरहेको छ।

मतदान ढिला हुने पालिकाका केही स्थलमा बर्दघाट र सुनवल नगरपालिका तथा प्रतापपुर र सुस्ता गाउँपालिकाका छन्। अन्य पालिकाको मतदान भने सकिएको र सम्बन्धित पालिकामा मत पेटिका पुर्याउने काम भइरहेको बताइएको छ। मतगणना भने राति १० बजेबाट सुरु गर्ने गरी छ।