गुरुदत्त-वहिदा भेट र बहुचर्चित फिल्म 'प्यासा'का ती परिघटनाहरु

गुरुदत्तलाई खासै बोलिरहन मन लाग्दैनथ्यो। वहिदा रहमानले एक पटक उनको बारेमा भनेकी थिइन्, 'जब हामी उहाँको छेउमा बसेर तेस्रो व्यक्तिसँग कुरा गर्थ्यौं, प्रायः उहाँले हाम्रो कुरा सुनिरहनु भएको छैन भन्ने आभास गर्थ्यौं, उहाँ आफ्नै विचारमा डुबिरहनुहुन्थ्यो।'

प्यासा फिल्मप्रति गुरुदत्त एकचित्त बनेकाे समय थियो। यसका लागि उनले त्यतिबेला कहलिएका दिलीप कुमारलाई लिन चाहे। जब गुरुदत्तले प्यासाको स्क्रिप्ट दिलीप कुमारलाई सुनाए, उनी फिल्ममा काम गर्न राजी भए। भोलिपल्ट उनले फिल्मको सुटिङमा आउने वाचा पनि गरे। पूरै युनिट दिलीप कुमारलाई पर्खिरह्यो तर पनि उनी सुटिङमा आएनन्।

• किस्सै-किस्सा जोडिएको एउटा फिल्म 'मुगल-ए-आजम'
  

गुरुदत्तका कान्छा भाइ देवीदत्त सम्झिन्छन्, 'दिलीप कुमारले करदार स्टुडियोमा मुहूर्तमा सहभागी हुनुपर्ने थियो। संयोगवश बीआर चोपडाको कार्यालय पनि त्यही परिसरमा थियो। दिलीप कुमार उनलाई भेट्न त्यहाँ गएका थिए। बीआर चोपडासँग त्यहाँ एक भेटघाट भएको थियो। गुरुदत्त र चोपडा मौन प्रतिद्वन्द्वन्दी थिए। दिलीपकुमारले त्यो भेटमा चोपडासँग 'नया दौर'को स्क्रिप्टको चर्चा गरिरहेका थिए। यसैबीच 'प्यासा' मुहूर्तको समय सकिनै लाग्दा गुरुदत्तले छिटो आउन खबर पठाए पनि दिलीप कुमारले १० मिनेटमा आउँछु भने तर आएनन्।'

• दिलीप कुमारको आँखामा हेर्दा संवाद बिर्सिन्थे अमिताभ बच्चन