मेलम्चीमा आएको बाढीले अस्थायी पुल बगायो

काठमाडौं- शुक्रबार राति मेलम्ची नदीमा आएको बाढीले अस्थायी पुल बगाएको छ। बाढीले मेलम्ची नगरपालिका-११ स्थित फट्टेको अस्थायी पुल बगाएको हो। 

बाढीको त्रासले  मध्यरातमा हेलम्बु र मेलम्ची आसपासका स्थानीयवासी घर छोडेर सुरक्षित स्थानमा गएका थिए। राति १२ बजे घर छोडेर अग्लो स्थानमा गएर बसेको हेलम्बु–२ का प्रभा भण्डारीले बताइन्। 

गत वर्ष असार १ गते आएको बाढीले मेलम्चीको पक्की पुल बगाएपछि अस्थायी पुलको रूपमा ह्युमपाइप हालिएको थियो। अस्थायी पुल बाढीले बगाएसँगै सडक बन्द भएको स्थानीय दशरथ दनुवारले बताए। यसबाट ६ वडाका नागरिक प्रभावित भएका छन्।