मंगलबार, असोज १८, २०७९

लामो अनुभव र सबैको साथले म जित्छु : किशोर प्रधान (अन्तर्वार्ता)

नेपाल समय  |  काठमाडौं, बिहीबार, मंसिर ११, २०७७

नेपाल समय

नेपाल समय

बिहीबार, मंसिर ११, २०७७, काठमाडौं

नेपाल समय

नेपाल उद्योग वाणिज्य महासंंघले नयाँ पदाधिकारी चयनका लागि मंसिर १३ मा निर्वाचन गर्ने भएको छ। महासंघको वरिष्ठ उपाध्यक्ष अर्को कार्यकालका लागि स्वतः अध्यक्ष हुने नियम छ। यसै सन्दर्भमा वरिष्ठ उपाध्यक्ष पदमा उम्मेदवार गरेका किशोर प्रधानसँग नेपाल समयका लागि शर्मिला ठकुरीले गरेको अन्तर्वार्ताको सम्पादित अंशः

उद्योग वाणिज्य महासंघमा उम्मेदवारी दिनुभएको छ। वरिष्ठ उपाध्यक्ष नै किन? 

२७ वर्षदेखि महासंघको केन्द्रीय समितिमा रहेर काम गरिरहेको छु। दुई पटक जिल्ला नगरको उपाध्यक्ष र एकपटक पूर्वाञ्चल उद्योग वाणिज्य महासंघको अध्यक्ष पनि भैसकेको छु। मेरो अनुभव, क्षमता र साथीहरुको हौसलाले अब म जाने भनेको नेतृत्व तहमै हो । त्यसैले वरिष्ठ उपाध्यक्षमा उमेदवारी दिने निर्णय गरेको हुँ। 

मैले गरेका कामको उचित मूल्यांकन गरेर आगामी अध्यक्ष, हालका अध्यक्ष लगायतले पनि मलाई समर्थन गर्नुभएको छ। 

निर्वाचित हुनुभयो भने के नयाँ गर्नुहुन्छ? 

महासंघको छवि अझ उत्कृष्ट बनाउने र कोभिड–१९ को प्रभावबाट थलिएकोे अर्थतन्त्र उकास्नकै लागि काम गर्नुपर्नेछ। यसबारे ठोस नीति बनाउन नेतृत्वलाई सघाउने र कार्यान्वयनमा प्रमुख भूमिका निर्वाह गर्ने मेरो सोच छ। 

साना, मझौला र ठूला व्यवासायीहरुको साझा संस्थाका रुपमा महासंघलाई अझ अघि बढाउनु छ। मेरो पहिलो प्राथमिकतामा साना तथा मझौला व्यवासाय र दोस्रोमा ठूला व्यवसायी छन्। 

यद्यपि, वरिष्ठ उपाध्यक्षका आफ्नै खास अजेन्डा हुँदैनन्। अध्यक्ष लगायतको टिमले तय गरेको अजेन्डामा छलफल गरी लागू गर्न मुख्य भूमिका निर्वाह गर्ने हो।

त्यसका लागि त टिम पनि सशक्त चाहिएला नि? 

हाम्रो टिममा एकदमै खारिएका, व्यावसायिक र सशक्त व्यवसायी छन्। हाम्रो कार्यकाल नै नमुना कार्यकाल हुनेछ। मेरो आफ्नै झण्डै तीन दशक लामो अनुभव छ। यसबीच मैले नीति–निर्माणमा प्रभावकारी भूमिका निर्वाह गरेको छु। 

पब्लिक प्राइभेट पार्टनरसिप (पीपीपी मोडल) मैले नै अगाडि ल्याएको हुँ। म नै त्यसको संस्थापक अध्यक्ष थिएँ। त्यस्तै लोकल इकोनोमिक डेभलपमेन्ट (एलईडी) को पहिलो अध्यक्ष पनि म नै हुँ। जुन महासंघले लबिङ गरेर स्थापित गराएको हो। 

त्यस्तै हाम्रो टिमका दिनेश श्रेष्ठ (जिल्ला नगर उपाध्यक्षका उमेदवार) कमोडिटीको उपाध्यक्ष रहिसक्नुभएको छ। उहाँ आर्थिक मामिलामा विज्ञ नै हुनुहुन्छ। श्रेष्ठजी काठमाडौं जिल्ला नगर उद्योग वाणिज्य संघको अध्यक्ष र बागमती प्रदेशको पनि अध्यक्ष हुनुहुन्छ। अञ्जनकुमार श्रेष्ठ (वस्तुगत उपाध्यक्षका उम्मेदवार) पनि महासंघमा लामो समयदेखि काम गरिरहेका स्थापित व्यवसायी हुनुहुन्छ। नाडाको अध्यक्षसमेत रहिसक्नुभएका श्रेष्ठजीसँग विभिन्न समितिमा रहेर काम गरेको अनुभव छ। त्यस्तै सौरभ ज्योति (एसोसिएट उपाध्यक्ष) अध्यययन, व्यवस्थापकीय कुशलता, व्यवसाय सबैमा अब्बल हुनुहुन्छ। उहाँप्रति युवाको आशा र विश्वास छ। र, यो टिमलाई आगामी अध्यक्षको पनि साथ छ। अब भन्नुहोस्, हामी कहाँ कमजोर छौं?

महासंघले साना तथा मझौला उद्योगी–व्यवसायीका कुरा सन्दैन भन्ने आरोप लागिरहन्छ नि? 

हो, यस्तो आरोप छ। त्यसैले पनि हामी महासंघको नेतृत्वमा जानु जरुरी छ। मेरो पृष्ठभूमि पनि त्यही नै हो। मेरा उद्योग पनि बहु–अर्बका छैनन्। 

महासंघको ५३ वर्षे  इतिहासमा दुई जना अध्यक्ष मात्रै जिल्ला नगरबाट नेतृत्वमा पुगेका छन्। अहिले लामो अन्तरालपछि फेरि जिल्ला नगर संघको नेतृत्व गरेको व्यक्तिलाई महासंघको नेतृत्वमा पुर्‍याउने अवसर आएको छ। त्यससो हुन सक्यो भने अवश्य पनि साना तथा मझौला व्यवसायीको माग सम्बोधन हुनेछ। जसलाई घाउ लागेको छ उसलाई दुखाइको महत्त्व थाहा हुन्छ। विश्वास छ, साथीहरुले यो मौका गुमाउनुहुने छैन। 

आगामी अध्यक्ष शेखर गोल्छाको पनि साथ रहेको भन्नुभयो। तर, उहाँलाई नै महासंघमा गुट चलाएको आरोप छ।

काम गरिरहँदा आरोपप्रत्यारोप लाग्नु ठूलो कुरा होइन। तर, उहाँले गुट चलाउनुभएको छैन। नेतृत्वले आफूलाई सजिलो हुने गरी टिम छनोट गर्न पाउँछ/गर्छ। उहाँले पनि टिम छानेको हो, गुट चलाएको होइन। ज–जसले आरोप लगाउनुभएको छ, त्यो पूर्वाग्रह मात्र हो।टिम छनोट पहिले पनि हुने गर्थ्याे। त्यसबेला गुट भनिएन अहिले आएर गुट भन्नु ठिक हुँदैन। 

तर, महासंघ त राजनीतिक रुपमा नै दुई खेमामा विभाजित छ भन्ने आरोप लागिरहेको छ? 

यो गलत हो । कम्तीमा पनि म कुनै नेताको घरमा गएको छैन। मेरो नेता भनेकै उद्योगी व्यवसायी साथी हुन्। उनीहरुकै भोटले जित्ने हो, उनीहरुप्रति नै समर्पित हुने हो। 

हुन त यहाँ चुनावका बेलामात्रै देखिने व्यवसायी पनि छन्। उद्योगी–व्यवसायीबीच राम्रो सम्बन्ध र घुलमिल नभएपछि उनीहरु नेताकहाँ धाएका हुनसक्छन्। त्यसैले म भन्दैछु, मलाई सबैको साथ छ र म जित्छु।

तपाईंले जित्ने आधार चाहिँ के ? 

अघि पनि भनें– मेरो अनुभव, क्षमता र सबैको साथ नै प्रमुख कुरा हो। बिना अनुभव नेतृत्वका लागि अघि सर्नु उचित हुँदैन।

यद्यपि, अहिले देशमा कोभिड– १९ का कारण संकटको अवस्था छ। यस्तो बेला सबै मिलेर अगाडि जानुपथ्र्यो। मैले त पूर्व अध्यक्षहरु बसेर गरेको निर्णय स्वीकार्छु भनेको थिएँ । तर, उहाँहरुको प्रयास समेतका बाबजुद कुरा मिलेन। 

मैले मेरो अनुभव र साथीहरुको आशा र भरोसाको सम्मान गर्नुपर्छ। तर, निर्वाचन हुँदैमा निजी क्षेत्र विभाजित छ भन्ने पनि होइन। निर्वाचनको भोलिपल्टदेखि हामी सबै एकैठाउमा हुनेछौं। जसले जिते पनि मिलेरै अगाडि बढ्ने हो । 
 


प्रकाशित: November 26, 2020 | 05:53:00 काठमाडौं, बिहीबार, मंसिर ११, २०७७

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
संवाद

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।
नेपाल समय
संवाद

लगानीकर्ताको हितलाई केन्द्रमा राखेर नयाँ एक्सचेन्ज ल्याउन लागिएको हो : सेबोन अध्यक्ष हमाल [अन्तर्वार्ता]

हामीले विश्वभरमा स्टक एक्सचेन्जको अवस्था, नेप्सेको अहिलेको अवस्था, यसको सेवा प्रणाली, क्षमता आदिका विषयमा गम्भीर अध्ययन गरेर नै नयाँ स्टक एक्सचेन्ज ल्याउन लागेका हौं।
नेपाल समय
संवाद

१६५ निर्वाचन क्षेत्रमा २२७ वटा सिट पाउनुपर्ने चार दलको अडान अचम्मलाग्दो छः हिमलाल पुरी [अन्तर्वार्ता]

केपी ओलीले प्रतिगमन गरे भनेर रोइलो गर्ने हामीहरू उनै ओलीलाई भावी प्रधानमन्त्री घोषणा गरेर एमाले चुनावमा गइसक्दासमेत संविधान जोगाउँछौं भनेर गठबन्धन गरेकाहरूका बीच सिट बाँडफाँटकै लागि एकता हुन नसक्नु दुर्भाग्य हुनेछ।
नेपाल समय
संवाद

प्राध्यापक लोकराज बराल भन्छन्ः दोस्रो पुस्ताले शेरबहादुर, केपी ओली र प्रचण्डलाई रिप्लेस गर्नुपर्छ [अन्तर्वार्ता]

अहिलेको राजनीति दोस्रो पुस्ताका नेताहरूले सुधार्न अबको निर्वाचन (पार्टीको आन्तरिक र आमनिर्वाचन) मा एकदमै शक्तिशाली भएर आउनुपर्छ।
नेपाल समय
संवाद

अमेरिकाका लागि राजदूत खत्री भन्छन्- नेपाल सानो देश होइन, अघि बढ्न प्रयासरत छ [अन्तर्वार्ता]

वैदेशिक नीतिको कुरा गर्ने हो भने हाम्रो नीति छर्लङ्ग छ, कतैतिर पनि झुकाव छैन। यस कुरालाई हाम्रो संविधानले पनि प्रष्ट्याएको छ। त्यसैले, विश्वव्यापी शक्तिहरुका बीचमा हुनु भनेको पनि फाइदाजनक नै हुन्छ जस्तो मलाई लाग्छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना