चितवन २ को उपनिर्वाचनका लागि दल दर्ता आह्वान

काठमाडौं– निर्वाचन आयोगले आगामी १० वैशाखमा तय गरेको चितवन २ को उपनिर्वाचनमा सहभागी हुन चाहने राजनीतिक पार्टीलाई दल दर्ताका लागि आह्वान गरेको छ।

आयोगले प्रतिनिधिसभाका निवर्तमान सांसद रवि लामिछानेको सांसद पद सर्वोच्च अदालतले खारेज गरेपछि रिक्त चितवन २ मा १० वैशाखमा हुने भनिएको उपनिर्वाचनका दल दर्ता गर्न आह्वान गरेको हो। आयोगका अनुसार १० देखि १६ फागुनसम्म दल दर्ता गरिसक्नुपर्नेछ।

‘नेपालको संविधानको धारा २७१ र राजनीतिक दल सबन्धि ऐन २९७३ को दफा ४ बमोजिम १० देखि १६ फागुन २०७९ सम्म कार्यालय समयभित्र राजनीतिक दलसम्बन्धी नियमावली, २०७४ को अनुसुची १२ बमोजिमको ढाँचामा निर्वाचन आयोग, कान्तिपथ काठमाडौंमा कार्यालयमा दर्ताका लागि निवेदन सूचित गरिन्छ,’ आयोगको सूचनामा भनिएको छ।