आइतबार, असार २, २०८१

विमान खरिदमा आर्थिक अनियमितता, छानविन अघि बढाइने

 |  आइतबार, पुस १६, २०७४

नेपाल समय

नेपाल समय

आइतबार, पुस १६, २०७४

triton college
corrent noodles
Metro Mart
काठमाडौं–पछिल्लो समय नेपाल वायु सेवा निगमले भित्र्याएको दुई वाइड बडी विमानको खरिदमा त्रुटी देखिएको छ । महालेखा परिक्षक टंकमणि शर्माले नेपालको ध्वजावाहक निगमले खरिद गरेको दुई वाइड  बडी अन्नपूर्ण र मकालु विमानको खरिदमा त्रुटी देखिएको बताए । उनले विमान खरिदको प्रक्रिया र मूल्यमा त्रुटी भएको जानकारी दिए ।

शुक्रबार शिंहदरबारमा बसेको सार्वजनिक लेखा समितिको बैठकमा उनले विमान खरिदको प्रक्रिया र मूल्यमा त्रुटी भएको बताए । ‘निगमको विनियमावलीमा नयाँ र पुराना विमान खरिद गर्ने प्रक्रिया तोकिएको छ । त्यहीअनुसार निगमले विमान खरिद गर्नु पर्ने हो,’ उनले भने ‘तर, त्यसरी अघि नबढेर निगमले नयाँ विमान खरिद गर्दा पुरानो विमाग खरिद गर्ने प्रक्रिया अपनाएको छ ।’
उनको प्रश्न छ, ‘नयाँ विमान खरिद गर्नु थियो भने किन पुरानो विमान खरिद गर्ने प्रक्रिया अपनाइएको हो ?’

‘एयरबस ए३३०–२०० जुन एयरबस अरुले बनाउदैन । यदि एयरबसनै किन्ने हो भने एयरबस निर्माण गर्ने कम्पनीसँग सिधै सम्पर्क नगरेर किन त्यो प्रक्रियामा नगइ अर्को बाटो अपनाइयो,’ अर्काे त्रुटी त्यहाँ रहेकाे  उनको भनाइ छ ।

मूल्यको सम्बन्धमा समेत आशंका देखिएको छ । एयरबसको मूल्य वेवसाइटमा नै राखिएको हुन्छ । त्यसैले एयरबस खरिद गर्ने हो भने किन एयरबस निर्माता कम्पनीहरुसँग सोधबुझ नगरि खरिद गरेको हो ? त्यसमा पनि त्रुटी देखिएको उनको भनाइ छ ।

उनकाअनुसार ती दुई विमान २० करोड ९६ लाख डलरमा खरिद गरिएको छ । निगमले शुरुमा ८ करोड डलर पेस्की दिइएको थियो । ‘वाइड वडीको मूल्यको भूक्तानी र वास्तविक मूल्य के–कति हो ? विमानको वारेन्टी र ग्यारेन्टी के–कति हो ? उडान योजना, तालिम, जनशक्ती, क्षमता विस्तार लगायत सम्बन्धमा पनि विस्तृत विवरण माग गरेका छौं,’ महालेखा परिक्षक शर्माले भने ।

त्यस्तै समितिका सभापति भरतकुमार शाहले वाइड बडीको विषय गम्भिर भएकोले यसलाई अर्को बैठकमा छलफल गर्ने बताए । ‘समितिले संस्कृति पर्यटन तथा नागरिक उड्डयन मन्त्रालयका सचिव, नेपाल वायु सेवा निगमको महाप्रवन्धक लगायत सरोकारवलाहरुलाई झिकाइ थप कागजातहरु समेत मगाएर अध्ययन अघि बढाउने छौं,’ उनले भने ।
 
प्रकाशित: Dec 31, 2017| 18:23 आइतबार, पुस १६, २०७४
प्रतिक्रिया दिनुहोस्