राष्ट्रिय सम्मानसहित खुनाको अन्त्यष्टि

धनगढी-प्रहरीको गोली लागि ज्यान गुमाएका कञ्चनपुरको महेन्द्रनगरका १४ बर्षीय सन्नी खुनाको तीन दिन पछि राष्ट्रिय सम्मानका साथ अन्त्यष्टि गरिएको छ । 

खुनाको आइतबार नेपाल प्रहरीको प्रहरी नायव निरीक्षकको नेतृत्वको एक टुकडीले सलामी दिँदै राष्ट्रिय झण्डा ओडाएर अन्त्यष्टि गरिएको हो । प्रहरी नायव उपरीक्षक कृष्ण ओझाका अनुसार स्थानीय ब्रहमदेवमा उनको अन्त्यष्टि गरिएको हो । 

निर्मला पन्तको हत्यामा संलग्नलाई कारबाहीको माग गर्दै महेन्द्रनगरमा जारी आन्दोलनमा प्रहरीले चलाएको गोली लागेर खुनाको शुक्रबार ज्यान गएको हो । 

शनिबार बसेको मन्त्रिपरिषद्को बैठकले खुना र निर्मलालाई सहिद घोषणा गर्दै परिवारलाई जनही १०/१० लाख क्षतिपुर्ति दिने निर्णय गरेको हो ।