काठमाडौं- सत्ता गठबन्धनको बैठक बुधबार बस्ने भएको छ। दिउँसो तीन बजे प्रधानमन्त्रीको सरकारी निवास बालुवाटारमा बैठक बस्ने भएको हो।
बैठकमा सरकारमा सहभागी कांग्रेस, माओवादी केन्द्र, एकीकृत समाजवादी र जसपाका शीर्ष नेता सहभागी हुने छन्। बैठकमा राष्ट्रिय जनमोर्चालाई बैठकमा बोलाइएको छैन।
बजेट पारित भएपछि सत्ता गठबन्धनमा मन्त्री हेरफेर चर्चा छ। एकीकृत समाजवादीले जेठ २२ मै आफ्ना सबै मन्त्रीलाई फिर्ता बोलाउने निर्णय गरिसकेको थियो। साथै उसले नयाँ मन्त्रीका रुपमा नेताहरूको नाम समेत टुङ्ग्याइसकेको छ।
यसले कांग्रेस, माओवादी र जसपामा पनि मन्त्री हेरफेरको दवाव बढेपछि शीर्ष नेताबीच आज छलफल हुन लागेको बताइएको छ।