चीनद्वारा एन्टि-ब्यालेस्टिक मिसाइल परीक्षण

बेइजिङ- चीनले आइतबार एन्टि-ब्यालेस्टिक मिसाइलको सफल परीक्षण गरेको चिनियाँ सरकारको मुखपत्र ग्लोबल टाइम्सले जनाएको छ। मुलुकको राष्ट्रिय सुरक्षा विकासका लागि एन्टि-ब्यालेस्टिक मिसाइलको परीक्षण एक ठूलो उपलब्धी भएको पनि बताइएको छ। 

अमेरिकाले चीनलाई आधुनिक, आणविक-सैन्य इन्टरकन्टिनेन्टल ब्यालेस्टिक मिसाइल र मध्यम दूरीको ब्यालेस्टिक मिसाइल एसिया-प्यासिफिक क्षेत्रमा परिचालन गरेको धम्कीपछि चीनले एन्टी-ब्यालेस्टिक मिसाइलको परीक्षण गरिएको ग्लोबल टाइम्सले जनाएको हो। 

चीनको राष्ट्रिय सुरक्षा मन्त्रालयले जारी गरेको प्रेस विज्ञप्ति अनुसार चीनले जमिनमा आधारित मिड-कोर्ष एन्टि-ब्यालेस्टिक मिसाइलको प्राविधिक परीक्षण गरिएको जनाएको छ। उक्त परीक्षणले आवश्यक उद्देश्य पूरा गरेको जनाएको छ। उक्त परीक्षणको प्रकृति रक्षात्मक भएको र कुनै पनि मुलुकलाई लक्षित नगरिएको पनि जनाइएको छ।

मन्त्रालयको विज्ञप्ति अनुसार यस्तै किसिमको परीक्षण २०२१ को फेब्रुअरीमा पनि गरिएको थियो।