चीनले भारतसँगको सीमामा सुरक्षा स्थिति बलियो बनाउँदै : अमेरिका

काठमाडौं- अमेरिका चीन भारतसँगको सीमा क्षेत्रमा सुरक्षा स्थितिलाई बलियो बनाइरहेको बताएको छ। सिंगापुरमा आयोजित शांगरी-ला-डायलगलाई सम्बोधन गर्दै शनिबार अमेरिकी रक्षामन्त्री लोयड जम्स अस्टिनले चीनको आक्रमण व्यवहारप्रति चिन्ता व्यक्त गरेका हुन्। 

उनले चीनले भारतसँगको सीमा क्षेत्रमा सुरक्षा स्थितिलाई बलियो बनाइरहेको अवस्थामा अमेरिका भारतको साथमा रहने बताएका हुन्। उनले भने, 'अमेरिका आफ्नो मित्रको साथमा उभिएको छ।'

रक्षामन्त्री अस्टिनले दक्षिण चीन सागरमा चीनको दाबी अवैध भएकोसमेत बताएका छन्। उनले भने, 'दक्षिण चीन सागरमा चीनले आफ्नो दाबी गरेका क्षेत्रमा आक्रामक तरिका अपनाइरहेको छ। यससँगै चीनले आफ्नो अवैध समुद्री योजनालाई पनि अघि बढाइरहेको छ।' 

यसअघि अमेरिकी एसिया-प्यासिफिक सैन्य कमाण्डर चार्ल्स फ्लिनले चीनले हिमालय सीमा क्षेत्रमा बलिया सैन्य संरचनाहरु बनाउँदै सुरक्षा अवस्थालाई मजबुत बनाइरहेको बताएका थिए।  

यसअघि ५ मे २०२० मा पंगैल झिलमा भएको हिंस्रक झडपमा पूर्वी लद्दाखको अवस्था तनावपूर्ण भएको थियो। - बीबीसी