रुसको कब्जामा रहेको युक्रेनको मारिओपोल सहरमा हैजा फैलियो

युक्रेनी बन्दरगाह सहर मारिओपोलमा हैजा प्रकोपको जोखिम देखिएको छ।

नेपाल समय | शनिबार, जेठ २८, २०७९

नेपाल समय

शनिबार, जेठ २८, २०७९

रुसको कब्जामा रहेको युक्रेनको मारिओपोल सहरमा हैजा फैलियो

काठमाडौं- युक्रेनी बन्दरगाह सहर मारिओपोलमा हैजा प्रकोपको जोखिम देखिएको छ। रुसी सेनाको आक्रमणबाट ध्वस्त बनेको मारिओपोल गएको मे महिनामा रुसले कब्जा गरेको थियो।

संयुक्त राष्ट्र संङ्घले यो सहरमा धेरैजसो पूर्वाधार क्षतिग्रस्त भएको जनाएको थियो। उसले पानीमा ढल मिसिएको समेत जनाएको थियो।

आक्रमणपछि ज्यान गुमाएकाहरूको शव जम्मा नगरिएको, फोहोर बढेको, पानी तथा खानाबाट हैजा प्रकोपको जोखिम बढेको राष्ट्र सङ्घले जनाएको हो। हैजा दूषित खानेकुरा वा पानीबाट सर्ने गर्छ।

शवहरू अझै भग्नावशेषमुनि रहेका र सडेको अवस्थामा रहेका छन्। मारिओपोलमा पहिला पनि हैजा, पखाला र अन्य संक्रामक रोगहरू देखिएको थियो।

सम्भावित प्रकोपबाट जोगिन सहर बन्द गरिएको रुसी सेनाले नियुक्त गरेका मेयर भादिम बोयचेन्कोले बताएका बीबीसीले जनाएको छ।