भारत-बंगलादेश तेस्रो रेल सेवा सुरु

भारत र बंगलादेशबीच तेस्रो रेल सेवा सुरु भएको छ। यो द्विदेशीय रेल सेवाको सुरुआत दुवै देशका अधिकारीहरूले झण्डा फहराएर गरेका हुन्।

नेपाल समय | बुधबार, जेठ १८, २०७९

नेपाल समय

बुधबार, जेठ १८, २०७९

नयाँ दिल्ली- भारत र बंगलादेशबीच तेस्रो रेल सेवा सुरु भएको छ। यो द्विदेशीय रेल सेवाको सुरुआत दुवै देशका अधिकारीहरूले झण्डा फहराएर गरेका हुन्।

पश्चिम बंगालको न्यू जलपाइगुडीबाट बङ्गलादेशको राजधानी ढाका पुग्ने मिताली एक्सप्रेसलाई भारतका रेलमन्त्री अश्विनी वैष्णव र उनका बंगलादेशी समकक्षी मोहम्मद नुरुल इस्लाम सुजनले आ–आफ्नो देशका झण्डा फहराएर सेवा सुरु गरेका हुन्।

भारत–बङ्गलादेश रेलसेवाबाट जनता–जनताबीचको सम्पर्कलाई अझ सुदृढ गर्न सहयोग पुग्ने भारतीय रेल मन्त्रालयका प्रवक्ताले बताएका छन्। मिताली एक्सप्रेसको गत मार्च २७ मा दुवै देशका प्रधानमन्त्रीले औपचारिकरूपमा उद्घाटन गरेका थिए। कोभिड–१९ महामारीका कारण सेवा सुरु हुनसकेको थिएन।

प्रकाशित: Jun 01, 2022| 22:40 बुधबार, जेठ १८, २०७९