अ‍मेरिकामा स्कुलको स्नातक समारोहमा गोली चल्यो, एक जनाको मृत्यु

काठमाडौं- अमेरिकाको विद्यालयमा फेरि बन्दुकधारीले हमला गरेका छन्। मंगलबार न्यु अर्लिन्सको हाईस्कूलको स्नातक समारोहमा बन्दुकधारीले चलाएको गोली लागेर एक वृद्धाको ज्यान गएको छ। आक्रमणमा परी अन्य तीन जना घाइते भएका छन्। 

मोरिस जेफ हाई स्कूलका स्नातकहरू भेला भएको दिक्षान्त केन्द्रबाहिर गोलाबारी भएको न्यु अर्लियन्स प्रहरीले जनाएको छ। 

गोली लागेर घाइते भएका तीनै जना व्यक्ति स्नातक समारोहमा भाग लिन त्यहाँ आएका प्रहरी प्रवक्ता ग्यारी सिटले बताए।

गत मंगलबार टेक्सासको उभल्देस्थित रोब इलिमेन्ट्री स्कूलमा पनि एक बन्दुकधारीले गोली चलाउँदा १९ बालबालिकासहित २१ जनाको मृत्यु भएको थियो।