फ्रान्समा विमान दुर्घटना, एकै परिवारका चारसहित पाँच जनाको मृत्यु

काठमाडौं- फ्रान्सको उच्च पहाडमा एउटा पर्यटक विमान दुर्घटना हुँदा एकै परिवारका चार सदस्यसहित पाँच जनाको मृत्यु भएको छ। 

शनिबार दिउँसो दक्षिणपूर्वी फ्रान्सको ग्रेनोबलनजिकै भर्साउड एयरफिल्डबाट उडान भरेको केही समयपछि दुर्घटना भएको बताइएको छ। विमानस्थलबाट दुर्घटनाग्रस्त क्षेत्र आधा घन्टाको दूरीमा पर्छ।

विमानको जलेको भग्नावशेषमा चार वयस्क र एक बच्चाको शव फेला परेको दुर्घटनाका त्यहाँको उद्धार सेवाले जनाएको छ। 

आगो निभाउन करिब ६० अग्नि नियन्त्रक परिचालन गरिएका थिए। दुर्घटनाबारे छानबिन सुरु त्यहाँका अधिकारीहरूले बताएका छन्।