श्रीलंकामा राजापाक्षे परिवारको घरमा आगजनी

यसैबीच श्रीलंकामा प्रदर्शनकारीले राजधानी कोलम्बोबाट करिब २५० किलोमिटर टाढा रहेको राष्ट्रपति गोटाबाय राजपाक्षे परिवारको घरमा आगजानी गरिदिएका छन्।

नेपाल समय | मंगलबार, वैशाख २७, २०७९

नेपाल समय

मंगलबार, वैशाख २७, २०७९

श्रीलंकामा राजापाक्षे परिवारको घरमा आगजनी

श्रीलंकामा भएको झडप

काठमाडौं- राजनीतिक तथा आर्थिक संकटबाट गुज्रिएको श्रीलंकामा हिंसात्मक झडप भएका छन्। यसैबीच श्रीलंकामा प्रदर्शनकारीले राजधानी कोलम्बोबाट करिब २५० किलोमिटर टाढा रहेको राष्ट्रपति गोटाबाय राजपाक्षे परिवारको घरमा आगजानी गरिदिएका छन्।

प्रदर्शनकारीले तीन पूर्वमन्त्री र दुईजना सांसदको घरमासमेत आगजनी गरेका हुन्। प्रदर्शनकारीले राष्ट्रपति गोटाबाय राजापाक्षे र उनका दाइ महिन्दा राजापाक्षेका अभिभावकको स्मारक भत्काइदिएका छन्।

तीब्र विरोधबीच यसअघि प्रधानमन्त्री राजापाक्षेले सोमबार दिउँसो पदबाट राजीनामा दिएका थिए।

यस्तै श्रीलंकामा सरकार समर्थक र विरोधिबीच भएको हिंसात्मक झडपमा एक सांसद सहित पाँच जनाले ज्यान गुमाएका छन्।

झडपमा सत्तारुढ दलका सांसदको मृत्यु भएको छ। झडपमा सांसद अमरकिर्थी अथुकोरालाको मृत्यु भएको अन्तर्राष्ट्रिय सञ्चारमाध्यममा उल्लेख छ।