भाइरल 'मिदी' पक्राउ

काठमाडौं- म्यादी प्रहरीको पोशाक लगाएर 'उत्तेजक' भिडियो बनाएको आरोपमा एक जना पक्राउ परेका छन्। सामाजिक सञ्जालमा भाइरल बनेका कपिलवस्तु बाणगंगा नगरपालिका– ४ का १६ वर्षीय किशोरलाई प्रहरीले पक्राउ गरेको हो। 

आफू मिदी (म्यादी प्रहरी) भएको भन्दै आफूसँग नेपालको कानुन पनि डराउने भन्दै भिडियो बनाएका छन्। प्रहरीका अनुसार उनी म्यादी प्रहरी भने होइनन्। 

‘सागर, वसन्ते, किस्ने सबहरू नडरा न हो। तेरो दाइ मिदी भइसकेको छ। केटाहरू के खाना मन छ बाटोमै खा न हो। बाल भएन, जोइन तान्न मन छ भने पनि तान्दे। लड्न मन लागे लड्। कसैलाई हान्न मन छ भने हान्दे, तेरो दाइ छ मिदी,' उनको सेल्फी भिडियोमा सुन्न सकिन्छ, 'माँ कसम निखिल उप्रेती मेरो नाम नेपालभरि चिन्छ । इन्स्पेक्टर त डराउँछ । नेपालको कानुन डराउँछन्।’ 

ती किशोरले आफ्ना फुपूका छोराको म्यादी प्रहरी पोशाक लगाएर भिडियो बनाएका हुन्। उनका फुपुका छोरा चाहिँ म्यादी प्रहरीमा भर्ना भएका छन्।