अमेरिकाकी उपराष्ट्रपति ह्यारिसलाई कोरोना संक्रमण

वासिङ्टन - अमेरिकाकी उपराष्ट्रपति कमला ह्यारिस कोरोना भाइरसबाट संक्रमित भएकी छन्। 

कोरोनाको लक्षण देखिएपछि मंगलबार कोरोना परीक्षण गरिएकोमा संक्रमण पुष्टि भएको सरकारी अधिकारीहरूले जानकारी दिएका छन् ।

'उहाँलाई कुनै ठोस लक्षण देखिएको छैन भने कुनै स्वास्थ्य समस्या पनि भएको छैन, तर आइसोलेसनमा भने बस्नु भएको छ,' उनका प्रवक्ताले भनेका छन्।  

प्रवक्ताले जारी गरेको वक्तव्यमा उपराष्ट्रपति ह्यारिसले निवासमै आइसोलेसनमा बसेपनि भित्रै बसेर गर्न मिल्ने कतिपय कामहरू भने निरन्तर गरिरहेको उल्लेख गरिएको छ। 

उनी राष्ट्रपति जो वाइडेन तथा प्रथम महिलासँग भौतिक निकटतामा भने नरहेको पनि प्रवक्ताले जानकारी दिएका छन्। 

अहिले कोरोना भाइरस नियन्त्रण सम्बन्धी निर्देशिकाको ५७ वर्षीया उपराष्ट्रपति ह्यारिसले पूर्ण पालना गर्नु भएको र नियमित स्वास्थ्य परीक्षण पनि गराइरहेको उनको कार्यालयले जनाएको छ।