दक्षिण कोरियामा गत २४ घण्टामा ९० हजार ८६७ कोरोनाका नयाँ संक्रमित

सउल- दक्षिण कोरियामा गत २४ घण्टा अर्थात बुधबार मध्यरातसम्म ९० हजार ८६७ कोरोनाका नयाँ संक्रमित देखिएको छ।

यसैसँगै कोरोनाका कुल संक्रमितको संख्या एक करोड ६६ लाख ७४ हजार ४५ पुगेको स्वास्थ्य अधिकारीहरूले विहीबार जानकारी दिएका छन्। 

कोरिया रोग नियन्त्रण र रोकथाम निकायकाअनुसार अघिल्लो दिन कोरोना संक्रमतिको संख्या एक लाख ११ हजार ३१९ रहेको थियो।

गत २४ घण्टा अर्थात बुधबार मध्यरातसम्म कोरोना संक्रमणको कारण थप १४७ मृत्यु भएको जनाइएको छ। यसैसँगै कोरोना संक्रमणको कारण दक्षिण कोरियाका कुल मृतकको संख्या २१ हजार ६६७ पुगेको छ। 

साथै कोरोनाको कारण गम्भीर अवस्थामा रहेका संक्रमितको संख्या अघिल्लो दिनको तुलनामा ३८ जनाले बढेर ८४६ पुगेको समाचारमा जनाइएको छ।

दक्षिण कोरियामा कोरोना विरुद्वखोपको दुई डोज प्राप्त गर्ने व्यक्तिहरूको संख्या चार करोड ४५ लाख ३० हजार ४२५ रहेको छ।  उक्त संख्या कुल जनसंख्याको ८६.८ प्रतिशत भएको जनाइएको छ।   -सिन्ह्वा