काठमाडौं– पछिल्लो २४ घण्टामा देशका विभिन्न स्थानमा चार जना मृत फेला परेका छन्। काठमाडौं, मोरङ, कैलाली र चितवनमा उनीहरु मृत अवस्थामा फेला परेका हुन्।
नागार्जुन नगरपालिका–१ रानीवनस्थित मानव सेवा आश्रममा हेरचाह गर्दै आएकी पर्साकी ३५ वर्षीया मीना बस्नेत आफ्नै कोठामा मृत फेला परेकी छन्।
त्यसैगरी मोरङको कानेपोखरी गाउँपालिका–२ भौसावारी बस्ने ३८ वर्षीया चन्द्रमाया तामाङ र कैलालीको चुरे गाउँपालिका–१ गजाडीकी ४५ वर्षीय शेरबहादुर सिंह आफैं सुत्ने कोठामा मृत अवस्थामा फेला परेका प्रहरीले जनाएको छ ।
त्यसैगरी चितवनको भरतपुर महानगरपालिका–१ स्थित नारायणी नदीको किनारमा नाम, थर, वतन नखुलेका करिब ५० वर्षीय पुरुष मृत अवस्थामा फेला परेका छन्।
प्रकाशित: Apr 08, 2022| 16:46 शुक्रबार, चैत २५, २०७८
