विराटनगर- पूर्व–पश्चिम लोकमार्गअन्तर्गत मोरङको उर्लाबारीमा पिकअपको ठक्करबाट बिहीबार राति मोटरसाइकल चालकको मृत्यु भएको छ।
उर्लाबारी नगरपालिका-४ आइतबारेमा दुर्घटना हुँदा झापाको दमक नगरपालिका-३ का २८ वर्षीय राजन घिमालको मृत्यु भएको मोरङ प्रहरीले जनाएको छ।
धिमालले चलाएको को३२प ६९३१ नम्बरको मोटरसाइकललाई पूर्वबाट पश्चिमतर्फ जाँदै गरेको को१च ६३९९ नम्बरको पिकअप भेनले राति ८:४० बजेतिर ठक्कर दिएको थियो।
दुर्घटनामा परेर गम्भीर घाइते भएका धिमालको उपचारका क्रममा उर्लाबारीस्थित अरनिको अस्पतालमा राति ९:२५ बजेतिर मृत्यु भएको प्रहरीले ज नाएको छ।
पिकअप र चालक उर्लाबारी-४ का २१ वर्षीय दीपेन्द्र बोहोरालाई नियन्त्रणमा लिएर घटनाको अनुसन्धान सुरु गरिएको प्रहरीले जनाएको छ।
प्रकाशित: Apr 08, 2022| 07:30 शुक्रबार, चैत २५, २०७८
