कोरोना महामारीपछि नेपथ्यको पहिलो कन्सर्ट हुँदै

चर्चित सांगीतिक समूह नेपथ्य पुनः प्रशंसकसम्म पुग्ने तयारीमा जुटेको छ। नेपथ्यले कोरोना महामारीपछि पहिलोपटक कन्सर्ट गर्न लागेको हो।

नेपाल समय | बिहीबार, चैत २४, २०७८

नेपाल समय

बिहीबार, चैत २४, २०७८

कोरोना महामारीपछि नेपथ्यको पहिलो कन्सर्ट हुँदै

काठमाडौं– चर्चित सांगीतिक समूह नेपथ्य पुनः प्रशंसकसम्म पुग्ने तयारीमा जुटेको छ। नेपथ्यले कोरोना महामारीपछि पहिलोपटक कन्सर्ट गर्न लागेको हो।

कन्सर्ट झापाको दमकमा हुने भएको छ। आउँदो वैशाख १ गते दमकको सरस्वती माध्यमिक विद्यालयको प्रांगणमा कन्सर्ट हुने तय भएको नेपथ्यको व्यवस्थापक नेपालयले जनाएको छ। ‘यसपालि हामीले संगीतप्रेमी दर्शक उत्तिकै भव्यतापूर्वक उभ्याउने तयारी गरेका छौं। नेपथ्यप्रेमीलाई नयाँपन महसुस गराउने हाम्रो जमर्को हुनेछ,’ नेपालयका किरणकृष्ण श्रेष्ठले भने।

नेपथ्यका गायक अमृत गुरुङले नयाँ वर्षको दिन दमकमा हुने आफूहरूको कन्सर्टले नयाँ दिनको स्वागत गरी कोरोनाकालमा भएका तिता अनुभवलाई बिर्साउन महत्त्वपूर्ण भूमिका खेल्ने बताए। कन्सर्टमा नेपथ्यका चर्चित गीत र केही नयाँ प्रस्तुति दिने तयारी छ।

प्रकाशित: Apr 07, 2022| 14:47 बिहीबार, चैत २४, २०७८