अमेरिकामा विमान दुर्घटना हुदाँ दुई जनाको मृत्यु

ह्युस्टन विमानस्थलबाट उडेको उक्त विमान मध्य टेक्सासको वाकोबाट करिब ५० किलोमिटर टाढा रहेको मारलिन एयरपोर्टमा दुर्घटनाग्रस्त भएको अमेरिकी सञ्चारमाध्यमले जनाएका छन्।

नेपाल समय | बुधबार, चैत २३, २०७८

नेपाल समय

बुधबार, चैत २३, २०७८

अमेरिकामा विमान दुर्घटना हुदाँ दुई जनाको मृत्यु

तस्बिर : केसीइएनटीभी/एनबीसी

ह्युस्टन- अमेरिकाको टेक्सास राज्यमा विमान दुर्घटना हुँदा दुई जनाको मृत्यु भएको छ। अमेरिकाको संघीय उड्डयन प्रशासनका अनुसार सेस्ना टि यू २०६ एच नामक विमान दुर्घटनामा परेको हो।

वाको क्षेत्रीय विमानस्थलमा जाँदै गरेको ६ सिटको जहाज मार्लिन विमानस्थलको एकल धावनमार्गको अन्त्यबाट करिब ६४ मिटर टाढा दुर्घटनाग्रस्त भएको टेक्सास राज्यको ह्युस्टन शहरबाट प्रकाशित हुने ह्युस्टन क्रोनिकल अखबारले जनाएको छ।

मर्लिन शहरका कार्यकारी सेड्रिक डेभिसलाई उद्धृत गर्दै क्रोनिकलले जनाएअनुसार मारिनेमा एक पुरुष र एक महिला छन्। दुर्घटनाको कारणबारे अनुसन्धान भइरहेको जनाइएको छ। सिन्ह्वा

प्रकाशित: Apr 06, 2022| 14:02 बुधबार, चैत २३, २०७८