बुचा सहरको दृष्यले राष्ट्रसंघ महासचिव स्तब्ध

काठमाडौं– संयुक्त राष्ट्रसंघका महासचिव एन्टोनियो गुटरसले युक्रेनी राजधानी नजिकैको बुचा सहरबाट आएका मृतकका तस्विरहरु देखेर आफू पूर्ण रुपमा स्तब्ध भएको बताएका छन्। रुसी सेनाले उक्त क्षेत्र खालि गरेसँगै त्यहाँबाट अहिलेसम्म ४०० बढि सर्वसाधारणको शव निकालिएको छ।

रुसी रक्षा मन्त्रालयले भने बुचा क्षेत्रमा रुसी सेनाले सर्वसाधाराणको हत्या नगरेको अडान पेश गरेको छ। सोही विषयलाई लिएर राष्ट्रसंघका महासचिव गुटेरसले ‘स्वतन्त्र छानवीनकबो’ आह्वान गरेका छन्।

बुचामा भएको ‘नरसंहार’ जस्तै रुसी सेनाको नियन्त्रणमा भएका अन्य क्षेत्रमा पनि ‘व्यापक सर्वसाधाराणको हत्या’ भएको हुनसक्ने बेलायति रक्षा तथा ‘सेक्यूरिटी थिंक ट्यांक’ रुसिका ज्याक वाट्लिङले बीबीसी रेडियोको एक कार्यक्रममा बताए।

कीभ नजिकैको सहर बुचामा बाटाभरि छरपस्ट भएका सर्वसाधाराणको शव फेलापरेपछि युक्रेनद्वारा रुसमाथि ‘सुनियोजित नरसंहार’को आरोप लगाएको हो।