युक्रेनी सहर मारियापोल खाली गर्न दुवै देश सहमत

किभ (युक्रेन)- रुसको पूर्वी क्षेत्र मारियापोल खाली गर्न रुस र युक्रेनका उच्च अधिकारीहरू सहमत भएका छन्।  मारियापोल खाली गराउने प्रयास दुवै देशका उच्च अधिकारीले स्वीकृत गरेको रेडक्रसको इन्टरनेसनल कमिटी (आईसीआरसी)ले जानकारी दिएको छ।

आईसीआरसीले शुक्रबारै नै मारियापोलमा अप्ठेरोमा गुज्रिरहेका ५४ युक्रेनी बस र निजी कारलाई सुरक्षित स्थानतर्फ लैजान सकिने विश्वास व्यक्त गरको छ। 

मारियापोल खाली गर्न दुवै देशका अधिकारीहरू सहमत भएपनि मानवीय सहायता गर्नका लागि आईसीआरसीले अनुमति पाएको छैन। मेडिकल सामग्री विना नै आईसीआरसी टोली त्यसतर्फ लागेको प्रवक्ताले इवान वाटसनले स्विट्जरल्यान्डको जेनेभामा पत्रकारहरूसँगको कुराकानीमा बताएका छन्। 

'यो प्रयास निक्कै असहज थियो। र अझ पनि असहज नै छ,' वाटसनले भनेका छन्, 'सुरक्षित तरिकाले सबै काम गर्न सकिन्छ भनेर विश्वस्त हुन सकिने अवस्था छैन। अप्ठेरोमा परेका हजारौँलाई सुरक्षित रूपमा बाहिर ल्याउन सकिने हामीले विश्वास गरेका छौँ।'