युक्रेन युद्ध अन्त्य गर्न पुटिनलाई नर्वेली प्रधानमन्त्रीको आग्रह

नर्वेका प्रधानमन्त्री युनस गार स्तोराले युक्रेनमाथि आक्रमण रोक्न रुसी राष्ट्रपति भ्लादिमिर पुटिनलाई आग्रह गरेका छन्।

नेपाल समय | शुक्रबार, चैत १८, २०७८

नेपाल समय

शुक्रबार, चैत १८, २०७८

युक्रेन युद्ध अन्त्य गर्न पुटिनलाई नर्वेली प्रधानमन्त्रीको आग्रह

ओस्लो (नर्वे)- नर्वेका प्रधानमन्त्री युनस गार स्तोराले युक्रेनमाथि आक्रमण रोक्न रुसी राष्ट्रपति भ्लादिमिर पुटिनलाई आग्रह गरेका छन्। उनले युक्रेनबाट सेना हटाउन र मानवीय सहयता पुर्‍याउन समेत आग्रह गरेका हुन्।

दुवै नेताहरूले करिब घण्टा लामो फोन संवाद गरेको र त्यस क्रममा स्तोराले यस्तो आग्रह गरेको नर्वेली वक्तव्यलाई उद्धृत गर्दै बेलायती समाचार संस्था रोयटर्सले जनाएको छ।

'हामीलाई अपेक्षा त कमै छ,' बैठकपछि प्रधानमन्त्री स्तोराले भनेका छन्, 'तर अहिलेको अवस्थामा प्रयास गर्न त केही पनि छाड्नु भएन।'

नर्वेको उत्तरी क्षेत्र पनि रुससँग सीमा जोडिएको छ। नर्वे नाटोको सदस्य पनि हो। युक्रेन नाटोमा जाने प्रक्रिया अघि बढेपछि रुसले युक्रेनमाथि आक्रमण सुरु गरेको हो।

प्रकाशित: Apr 01, 2022| 08:10 शुक्रबार, चैत १८, २०७८