चीनमा जहाज दुर्घटना : उद्धार जारी, सेना पनि परिचालन [४ तस्बिर]

बेइजिङ- चीनमा १३२ जना यात्रु बोकेको जहाज दुर्घटनामा परेको छ।

सोमबार चाइना इस्टर्न एयरलाइन्सको बोइङ ७३७ जहाज गुआङ्जी प्रान्तमा दुर्घटनामा परेको चिनियाँ सरकारी सञ्चारमाध्यमलाई उद्धृत गर्दै बीबीसीले समाचार प्रकाशन गरेको छ। 

दुर्घटनामा भएको क्षतिको पूर्ण विवरण आइसकेको छैन। युनान प्रान्तको राजधानी कुनमिङबाट ग्वान्जाओका लागि उडेको जहाज दुर्घटनामा परेको हो। 

पहाडी क्षेत्रमा दुर्घटना भएको र आगोलागेर जंगलमा झरेको बताइएको छ। उद्धारका लागि चिनियाँ सेनाको टोली परिचालन गरिएको पिपल्स लिबरेसन आर्मीको साउदर्न थिएटर कमान्डले भनेको छ। 

विमान उत्पादक कम्पनी बोइङले दुर्घटनालाई नोट गरेको र हाल सूचना तथा विवरण संकलन भइरहेको जानकारी दिएको छ। 

पाकिस्तानी प्रधानमन्त्री इमरान खानले दुर्घटनाप्रति दुख व्यक्त गरेका छन्। यस्तै टर्कीको विदेश मन्त्रालयले पनि घटनाप्रति गहिरो दुःख व्यक्त गरेको छन्।