कसले किन्ला ‘अर्बौं वर्ष पुरानो‘ कालो हीरा’?

पृथ्वीमा फेला परेको सबैभन्दा ठूलो काटिएको हीरा मानिएको ‘कालो हीरा’ लिलाममा बिक्री हुन लागेको छ। यो हीरा अर्बौँ वर्षअघि बनेको बताइएको छ। ‘द एनिग्मा’ नामक उक्त रत्नको उत्पत्तिबारे विभिन्न मान्यता छन्। एउटा मान्यताअनुसार यो हीरा अन्तरिक्षबाट पृथ्वीमा आइपुगेको हो।

यो हीरा ५५५.५५ क्यारेटको छ जुन एकदमै अस्वाभाविक हो। यसको तौल एउटा केराको जति छ।

सजावट कला, गहना र विभिन्न वस्तुको ठूलो विक्रेता सथबीले लन्डनमा लिलामीमा राखेको यो हीराले ६० लाख डलरभन्दा बढीमा मूल्य पाउने अपेक्षा गरेको छ। अनलाइन माध्यमबाट इच्छुक क्रेताहरू आगामी सातासम्म लिलाम बढाबढमा सहभागी हुन सक्छन्।

यो हीरा कार्बनेडो अर्थात् प्राकृतिक हीराको सबैभन्दा कडा स्वरूपमध्ये एक हो। कालो हीरा सामान्यतया झन्डै २.६ देखि ३.२ अर्ब वर्ष वा डाइनसोर अस्तित्वमा हुँदाको समयभन्दा पुरानो हुन्छ। पृथ्वी झन्डै ४.६५ अर्ब वर्षअघि उत्पन्न भएको हो। त्यसैले पृथ्वी र यो हीराको आयुको तुलना गर्ने गरिएको छ।