काठमाडौं जिल्ला प्रशासनका थुप्रै सेवा स्थगित

काठमाडौं- काठमाडौं जिल्ला प्रशासन कार्यालयले आजबाट केही सेवा कटौती गरेको छ। कर्मचारी कोरोना संक्रमण भएका कारण सेवा कटौती गर्नु परेको जिल्ला प्रशासन कार्यालय काठमाडौंले जनाएको छ।  

एक सूचना जारी गर्दै काठमाडौं जिल्ला प्रशासन कार्यालयले कोरोना महामारी बढेको अवस्थामा कर्मचारीहरू नै संक्रमित हुँदा सेवा प्रवाह प्रभावित हुन पुगेको जनाएको छ।

'सेवा प्रदायकको रुपमा कार्यरत कर्मचारी तथा सेवाग्राहीबीचको नियमित र प्रत्यक्ष सम्पर्कका कारण यस कार्यालयको नागरिकता, नागरिकता प्रतिलिपि, नावालक परिचयपत्र, राष्ट्रिय परिचयपत्र र राहदानी प्रदान गर्ने फाँटतर्फका कर्मचारीहरू कोभिड–१९ बाट संक्रमित भई उपचारको क्रममा रहेको जानकारी गराऔंछौं,' जिल्ला प्रशासनले जारी गरेको सूचनामा उल्लेख छ। त्यसैले अर्को सूचना जारी नभएसम्म मिति २०७८ माघ ५ गतेदेखि लागू हुनेगरी माथि उल्लेखित फाँटका सेवा हाललाई स्थगित गरिएको काठमाडौं जिल्ला प्रशासनले जनाएको छ।