कोरोना जोखिम न्यूनीकरणबारे अमेरिकी राष्ट्रपति र जापानी प्रधानमन्त्रीबीच छलफल

अमेरिकी राष्ट्रपति जो बाइडेन र जापानका प्रधानमन्त्री फुमिओ किसिदाका बीचमा छलफल भएको छ। भर्चुअल माध्यमबाट भएको छलफल कोरोनाभाइरसको महामारी र सुरक्षाका विषयमा केन्द्रीत भएको अधिकारीहरुले जनाएका छन्।

नेपाल समय | सोमबार, माघ ३, २०७८

नेपाल समय

सोमबार, माघ ३, २०७८

कोरोना जोखिम न्यूनीकरणबारे अमेरिकी राष्ट्रपति र जापानी प्रधानमन्त्रीबीच छलफल

वासिंटन डीसी- अमेरिकी राष्ट्रपति जो बाइडेन र जापानका प्रधानमन्त्री फुमिओ किसिदाका बीचमा छलफल भएको छ। भर्चुअल माध्यमबाट भएको छलफल कोरोनाभाइरसको महामारी र सुरक्षाका विषयमा केन्द्रीत भएको अधिकारीहरुले जनाएका छन्।

अमेरिकी राष्ट्रपतिको कार्यालय ह्वाइट हाउसले पनि दुई पक्षीय हित, साझा सरोकार र अन्तर्राष्ट्रिय तथा क्षेत्रीय विषयमा उनीहरुले छलफल गरेको जानकारी दिएको छ। त्यसैगरी जलवायु परिवर्तन र नयाँ नयाँ प्रविधिका बारेमा समेत उहाँहरुका बीचमा छलफल भएको ह्वाइट हाउसद्धारा जारी वक्तव्यमा जनाइएको छ।

'बैठकमा विषेश गरेर अमेरिका र जापानको सम्वन्ध, सहकार्य, शान्ति र सुरक्षा, इन्डो प्यासेफिक क्षेत्रको स्थिरतालगायका बारेमा छलफल भएको छ,' वक्तव्यमा लेखिएको छ।

वाइडेन र किसिदाका बीचमा भौतिक भेट भने कोप-२६ शिखर सम्मेलनको सिलसिलामा स्कटल्याण्डमा भएको थियो।

प्रकाशित: Jan 17, 2022| 15:13 सोमबार, माघ ३, २०७८