बेलायतबाट सिर्जनाले ल्याइन् फूलहरु मगमग [भिडियोसहित]

गायिका मेलिना राईको स्वर रहेको ‘फूलहरु मगमग’को म्युजिक भिडियो सार्वजनिक भएको छ।

नेपाल समय | आइतबार, माघ २, २०७८

नेपाल समय

आइतबार, माघ २, २०७८

बेलायतबाट सिर्जनाले ल्याइन् फूलहरु मगमग [भिडियोसहित]

काठमाडौं– गायिका मेलिना राईको स्वर रहेको ‘फूलहरु मगमग’को म्युजिक भिडियो सार्वजनिक भएको छ।

बेलायतका रमणीय स्थानहरुमा छायांकन गरिएको भिडियोमा मोडल तथा भ्लगर सिर्जना निङ्लेखुको अभिनय देख्न सकिन्छ। भिडियोमा सिर्जनाले आफूलाई प्रकृतिसँग तुलना गर्दै आफ्नो सुन्दरताको वर्णन आफैं र आफ्नो भावना प्रकृतिसँग पोखेकी छिन्।

कन्चन थुलुङ लिम्बुको शब्द तथा संगीत रहेको गीतको भिडियोलाई एक दशक भन्दा लामो समयदेखि बेलायतमा रहँदै आएका सञ्चारकर्मी एवं निर्देशक कुशल श्रेष्ठले निर्देशन गरेका हुन् भने भिडियोमा निर्देशक श्रेष्ठकै छायांकन र सम्पादन रहेको छ।

कलाकारितामा १ दशक बढी समय बिताइसकेकी सिर्जनाले कल्चरल म्युजिक भिडियोबाट कलाकारिता यात्रा सुरु गरेकी हुन्। उनले रंगकर्मी तथा अभिनेता अनुप बरालसँग अभिनय कला सिकेका कारण अनुपलाई गुरु मान्छिन्।

रेडियो, टेलिभिजन कार्यक्रम प्रस्तोताको लामो अनुभव बटुलिसकेकी सिर्जनालाई थिएटर, भ्लग हुँदै व्यवसायसम्मको अनुभव छ।