आकाशमै हवाईजहाजको ढोका खुलेपछि‍‍‍...

काठमाडौंबाट पोखरा जाँदै गरेको गुण एयरलाइन्सको हवाई जहाजमा ‘प्राविधिक गडबडी’ भएपछि पुनः काठमाडौंमै फर्काइएको छ।

नेपाल समय | आइतबार, माघ २, २०७८

नेपाल समय

आइतबार, माघ २, २०७८

सांकेतिक तस्बिर

काठमाडौं– काठमाडौंबाट पोखरा जाँदै गरेको गुण एयरलाइन्सको हवाई जहाजमा ‘प्राविधिक गडबडी’ भएपछि पुनः काठमाडौंमै फर्काइएको छ। आकाशमै हवाईजहाजको ढोका खुलेपछि पुनः विमानस्थलमै फर्काइएको छ।

अहिले प्राविधिकहरूले जहाज जाँच गरिरहेको नेपाल नागरिक उड्डयन प्राधिकरणका निमित्त महानिर्देशक प्रेमनाथ ठाकुरले बताए। यात्रुहरुलाई गुणकै अर्को हवाई जहाजमा पोखरा पठाइँदै छ। ठाकुरले भने, ‘आकाशमै जहाजको ढोका खुलेपछि काठमाडौं फर्काइएको छ। कस्तो खालको प्राविधिक गडबडी हो भन्ने कुरा बुझ्न टोली खटाइएको छ।’

बिहान १० बजेको उडानबाट पोखराका लागि प्रस्थान गरेको उक्त जहाजमा उडेको केही समयपछि प्राविधिक समस्या आएको थियो। सो जहाजमा प्राविधिक समस्या देखिएपछि गुणकै अर्को जहाजमा ती यात्रुहरुलाई पोखरा पठाउन लागिएको छ।

प्रकाशित: Jan 16, 2022| 13:18 आइतबार, माघ २, २०७८