पुष्पा द राइजका लागि अल्लु अर्जुनले लिएका थिए २० करोड

काठमाडौं- दक्षिण भारतमा बनेको फिल्म ‘पुष्पा द राइज’ले बक्स अफिसमा कमाल गर्‍यो। दर्शकले अत्यधिक रुचाइदिएको यो फिल्मको मुख्य भूमिकामा अल्लु अर्जन छन्। 

यो फिल्मका लागि साउथ फिल्मका सलमान खान भनी चिनिने अल्लुले पारिश्रमिक २० करोड भारतीय रुपैयाँ लिएका थिए। र, अल्लू अर्जनलेभन्दा ज्यादा पारिश्रमिक यस फिल्मका निर्देशक सुकुमारले लिएका थिए। उनले २५ करोड भारतीय रुपैयाँ लिएका थिए। 

यसैगरी यस फिल्मकी नायिका रश्मिका मन्दानाले १० करोड भारतीय रुपैयाँ पारिश्रमिक लिएकी थिइन्। 

पुष्पामा एक ‘आइटम गीत’ छ जसमा सामन्थ रुथ प्रभु देखिन्छिन्। उनले एक गीतमा नाचेको पारिश्रमिक डेढ करोड र भँवर सिंहको छोटो भूमिका निभाएका फहद फाशीलले तीन करोड लिएका थिए। 

दुई सय करोड भन्दा बढी बजेट रहेको यो फिल्म चार भाषामा डब गरिएको थियो। सबै सिनेमा घरमा प्रदर्शन रहेको पुष्पा ओटीटी प्लेटफर्ममा पनि प्रदर्शन गरिएको छ।