सुत्केरीको मृत्यु भएपछि अस्पतालमा तोडफोड

अस्पतालको लापरवाहीले सुत्केरीको मृत्यु भएको भन्दै नुवाकोटको त्रिशूली अस्पतालमा आफन्तले तोडफोड गरेका छन्।

नेपाल समय | मंगलबार, पुस २७, २०७८

नेपाल समय

मंगलबार, पुस २७, २०७८

सुत्केरीको मृत्यु भएपछि अस्पतालमा तोडफोड

काठमाडौं– अस्पतालको लापरवाहीले सुत्केरीको मृत्यु भएको भन्दै नुवाकोटको त्रिशूली अस्पतालमा आफन्तले तोडफोड गरेका छन्। अस्पतालमा तोडफोड भएपछि आकस्मिक बाहेकका सबै सेवा बन्द गरिएको छ।

स्वास्थ्यकर्मीमाथि मृतकका आफन्तले आक्रमण गर्न खोजेपछि आकस्मिक बाहेकका सबै सेवा बन्द गरिएको अस्पतालले जनाएको छ। चिकित्सक तथा स्वास्थ्यकर्मीको सुरक्षाको ग्यारेन्टी नभएसम्म सम्पूर्ण सेवा सञ्चालन गर्न नसक्ने अस्पतालले बताएको छ।

विदुर नगरपालिका–७ की २७ वर्षीया एक महिलाको सोमबार राति नर्मल डेलिभरी भएको थियो। सुत्केरी भएपछि अत्यधिक रक्तश्राव भएका कारण बिरामीको मृत्यु भएको अस्पतालले बताएको छ। आफन्तले भने अस्पतालको लापरवाहीका कराण बिरामीको मृत्यु भएको आरोप लगाएर तोडफोडमा उत्रिएका छन्।

प्रकाशित: Jan 11, 2022| 13:59 मंगलबार, पुस २७, २०७८