ग्लोबल आइएमई बैंकले ऋण लिने

ग्लोबल आइएमई बैंकले बेलायतको विकास वित्त संस्था सीडीसी ग्रुपबाट तीन अर्ब रुपैयाँ ऋण लिने भएको छ।

नेपाल समय | बिहीबार, पुस १, २०७८

नेपाल समय

बिहीबार, पुस १, २०७८

काठमाडौं- ग्लोबल आइएमई बैंकले बेलायतको विकास वित्त संस्था सीडीसी ग्रुपबाट तीन अर्ब रुपैयाँ ऋण लिने भएको छ।

ग्लोबल आइएमई बैंक लिमिटेडले बेलायतको विकास वित्त संस्था सीडीसी ग्रुपसँग २५ मिलियन अमेरिकी डलर (करिब तीन अर्ब रुपैयाँ) ऋण लिने सहमति पत्रमा बुधबार हस्ताक्षर भएको छ।

बैंकमा आयोजित एक समारोहबीच ग्लोबल आइएमई बैंकका प्रमुख कार्यकारी अधिकृत रत्नराज बज्राचार्य तथा सीडीसी ग्रुपका कन्ट्री रिप्रजेन्टेटिभ रवि रायमाझीले उक्त सम्झौतापत्र आदानप्रदान गरेका हुन्।

सीडीसीबाट प्राप्त ऋणले बैंकको कर्जा प्रवाह क्षमतालाई अभिवृद्धि गर्नुका साथै बैंकलाई जलविद्युत, नवीकरणीय ऊर्जा र पूर्वाधार, निर्माण, उत्पादन, कृषि र पर्यटन क्षेत्र लगायतका नेपाल सरकारको प्राथमिकताका क्षेत्रहरूको व्यवसायमा ऋण प्रदान गर्न सहयोग पुग्ने जनाइएको छ।

प्रकाशित: Dec 16, 2021| 06:40 बिहीबार, पुस १, २०७८