बुधबार, वैशाख १६, २०८३
कोरोनाविरुद्ध फाइजरको खाने औषधि ८९ प्रतिशत प्रभावकारी भएको दाबी
अमेरिकी औषधि उत्पादक कम्पनी फाइजरले कोरोना संक्रमितका लागि आफूले उत्पादन गरेको खाने चक्की ८९ प्रतिशत प्रभावकारी देखिएको जनाएको छ।
काठमाडौं- अमेरिकी औषधि उत्पादक कम्पनी फाइजरले कोरोना संक्रमितका लागि आफूले उत्पादन गरेको खाने चक्की ८९ प्रतिशत प्रभावकारी देखिएको जनाएको छ।
फाइजरले अस्पताल भर्ना हुनुपर्ने वा मृत्यु हुने सम्भावनालाई रोक्न औषधि ८९ प्रतिशत प्रभावकारी देखिएको जनाएको हो।
'कोभिडका लक्षण देखिनासाथ यो औषधिको सेवन गर्नुपर्छ। पाँच दिनसम्म दिनहुँ तीनवटा चक्की सेवन गर्नुपर्ने छ। यसो गर्दा यो लाभदायक हुनेछ', कम्पनीले भनेको छ।
फाइजरले उक्त चक्कीको आपत्कालीन प्रयोगका लागि अनुमति दिन अमेरिकी नियामक निकायमा निवेदनसमेत दिइसकेको छ।
उसको प्रतिद्वन्द्वी कम्पनी मर्कले पनि आफूले विकास गरेको मोल्न्यूपिरभीर चक्कीलाई प्रयोग अनुमति दिन निवेदन दिएको छ।
ब्रिटिश नियामक निकायले बिहीबार मात्रै त्यसको प्रयोगका लागि अनुमति दिएको थियो।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com