मनसुनी वायु थप सक्रिय, उच्च सावधानी अपनाउन आग्रह

देशभर मनसुनी वायुको सक्रिय प्रभाव रहेको छ।

नेपाल समय | बुधबार, असार १६, २०७८

नेपाल समय

बुधबार, असार १६, २०७८

मनसुनी वायु थप सक्रिय, उच्च सावधानी अपनाउन आग्रह

काठमाडौं- देशभर मनसुनी वायुको सक्रिय प्रभाव रहेको छ। हाल देशको तराई भूभाग नजिक मनसुनी न्युन चापिय रेखा रहेको मौसम पूर्वानुमान महाशाखाले जनाएको छ।

हाल देशभर सामान्यदेखि पूर्ण बदली रहेको छ। प्रदेश १, २, बागमती र गण्डकी प्रदेशका अधिकांस स्थानमा हल्कादेखि मध्यम वर्षा भइरहेको छ।

आज दिनभर पनि देशभर सामान्यदेखि पूर्ण बदली रहनेछ। प्रदेश १, २, बागमती र गण्डकी प्रदेशका धेरै स्थानका साथै लुम्बिनी, कर्णाली र सुदूरपश्चिम प्रदेशका केही स्थानमा हल्कादेखि मध्यम वर्षाको सम्भावना रहेको छ। प्रदेश १, प्रदेश २, बागमती, लुम्बिनी र गण्डकी प्रदेशका केही स्थानमा भारी वर्षाको समेत सम्भावना रहेकाले उच्च सावधानी अपनाउन महाशाखाको आग्रह छ।

मनसुन थप सक्रिय बनेसँगै विभिन्न नदीमा पानीको बहाव बढ्न सक्ने भएकाले तटीय क्षेत्रका वासिन्दालाई उच्च सतर्कता अपनाउन आग्रह गरिएको छ।

प्रकाशित: Jun 30, 2021| 01:10 बुधबार, असार १६, २०७८