स्थायी कमिटीमा दाहालको ब्रिफिङ : दलहरूबीच घनीभूत छलफल जारी छ, एक-दुई दिनमै निष्कर्ष निस्कन्छ

काठमाडौं– माओवादी केन्द्रका अध्यक्ष पुष्पकमल दाहालले दलहरूबीच सत्ता समीकरणका विषयमा घनीभूत छलफल भइरहेको बताएका छन्।

पार्टी स्थायी कमिटी बैठकमा मंगलबार ब्रिफिङ गर्दै उनले ओलीलाई सत्ताबाट हटाउन कांग्रेसलगायत प्रतिपक्षी दलहरूबीच छलफल भइरहेको बताएका हुन्।

दाहालको भनाइ उधृत गर्दै स्थायी कमिटी सदस्य लीलामणि पोखरेलले भने, ‘दलहरूबीच सत्ता समीकरणका विषयमा घनीभूत छलफल भइरहेको छ। एक दुई दिनमा सकारात्मक निष्कर्षमा पुग्नेछौं।’

दाहालले मंगलबार पनि विभिन्न दलका नेताहरूसँग छलफल गरेको जानकारी दिए। दाहालले भनेका थिए, ‘निष्कर्ष ननिस्कएमा हामी त्यही हिसाबमा अघि बढ्छौं।’

स्थायी कमिटी बैठक भोलि पनि जारी रहनेछ।