धरानमा २५ वर्षीय युवकसहित २ जनाको कोरोनाबाट मृत्यु

नेपाल समय | सोमबार, मंसिर ८, २०७७

नेपाल समय

सोमबार, मंसिर ८, २०७७

धरानमा २५ वर्षीय युवकसहित २ जनाको कोरोनाबाट मृत्यु

धरान- धरानस्थित वीपी कोइराला स्वास्थ्य विज्ञान प्रतिष्ठानमा थप २ जना कोरोना संक्रमितको मृत्यु भएको छ ।

इलाम नगरपालिका १ का २५ वर्षीय युवक र सुनसरीका ६७ वर्षीय पुरुषको उपचारका क्रममा मृत्यु भएको हो ।

२५ वर्षीय युवाको आइतबार राति मृत्यु भएको हो भने ६७ वर्षीय पुरुषको सोमबार (आज) बिहान मृत्यु भएको हो ।

सुनसरीका ६७ वर्षीय पुरुषको कात्तिक २६ गते कोरोना भाइरसको संक्रमण पुष्टि भएको थियो ।

स्वास्थ्य अवस्थामा समस्या देखिएपछि उनलाई मंसिर १ गते प्रतिष्ठानको कोभिड–१९ अस्पतालमा भर्ना गरिएको थियो। उनमा मधुमेहको पुरानै समस्या थियो ।

यस्तै २५ वर्षीय युवामा मंसिर ५ गते कोरोना संक्रमण पुष्टि भएको प्रतिष्ठानले जनाएको छ । उनमा फोक्सो र घुँडामा समस्या पहिलेदेखि नै थियो ।

योसँगै धरानस्थित वीपी कोइराला स्वास्थ्य विज्ञान प्रतिष्ठानमा कोरोना भाइरसको संक्रमणबाट मृत्यु हुनेको संख्या १ सय ११ पुगेको छ ।

प्रकाशित: Nov 23, 2020| 05:10 सोमबार, मंसिर ८, २०७७