आगामी तीन दिन कुन प्रदेशको मौसम कस्तो हुनेछ ? 

काठमाडौँ- मनसुन बाहिरिए पनि आगामी तीन दिन देशका केहि स्थानमा आंशिक बदली भई हल्का वर्षा हुने भएको छ । 

बंगालको खाडीको उत्तर-पश्चिम भागमा रहेको न्युन चापीय क्षेत्रको प्रभाव पूर्वी नेपालमा रहेका कारण उक्त क्षेत्रमा वर्षाको सम्भावना बढी रहेको मौसम पूर्वानुमान महाशाखाले जनाएको छ । 

मशाशाखाका अनुसार आज (शुक्रबार) देशभर आंशिक बदली रहनेछ भने प्रदेश १ का एक÷दुई स्थानहरुमा हल्का  वर्षाको सम्भावना रहेको छ । अहिले बिहान देशभर मौसम सामान्यतया सफा रहेको छ ।

यस्तै भोलि (शनिबार) देशभर आंशिकदेखि सामान्य बदली रहि एक÷दुई स्थानहरुमा हल्का  वर्षाको सम्भावना रहेको छ ।

त्यस्तै पर्सि (आइतबार) देशको पहाडी भू–भागहरुमा आंशिक बदली रही बाँकि भूभागको मौसम सामान्यतया सफा रहने छ ।

मनसुन बाहिरिएसँगै देशैभर चिसो चढ्न थालेको छ । अबको दुई साताभित्र देशका धेरै स्थानमा चिसो बढ्न सक्ने मौसमविद्हरुले बताएका छन् ।