२७ वर्षीय कैदीबन्दीको कोरोनाबाट मृत्यु, मृत्युपछि संक्रमण पुष्टि 

विराटनगर- मोरङ कारागारमा रहेका एक कैदीबन्दीको मृत्युपछि कोरोना पुष्टि भएको छ । 

सुनसरीको इटहरीका २७ वर्षीय युवकको बुधबार राति मृत्यु भएको थियो । उनको कोरोना परिक्षणको रिपोर्ट बिहीबार बिहान आउको हो । 

कोरोनासँग मिल्दो लक्षण देखिएपछि अस्पतालले स्वाब संकलन गरेको थियो । बिहीबार बिहान पोजेटिभ रिपोर्ट आएको कोशी अस्पतालका आइसोलेसन प्रमुख डाक्टर लक्ष्मीनारायण यादवले जानकारी दिए । 

लागूऔषध मुद्दामा २०७६ मंसिर १८ देखि पुर्पक्षका लागि थुनामा रहेका बन्दीलाई स्वास्थ्यममा समस्या देखिएपछि बुधबार कोशी अस्पताल भर्ना गरिएको मोरङ कारागारले जनाएको छ । उपचारका क्रममा उनको बुधबार राति मृत्यु भएको थियो ।

यसअघि क्षेत्रीय कारागार झुम्कामा बलात्कार मुद्दामा कैद भुक्तान गरिरहेका एक पुरुषको कोरोना संक्रमण देखिएपछि बीपी कोइराला स्वास्थ्य विज्ञान प्रतिष्ठान धरानमा उपचारका क्रममा मृत्यु भएको थियो ।