नेपालमा कोरोनाबाट १० दिनमा ८८ जनाको मृत्यु, १३ हजार ५ सय संक्रमित थपिए 

काठमाडौं- तिब्र रुपमा फैलिएको कोरोना भाइरसबाट नेपालमा पछिल्लो १० दिनमा ८८ जनाको मृत्यु भएको छ । 

असोज १ देखि १० गतेसम्ममा ८८ जनाको मृत्यु हुँदा १३ हजार ४ सय ९४ जना संक्रमित थपिएका छन् । नेपालमा औसतमा कोरोनाबाट दैनिक ११ जनाको मृत्यु हुने गरेको छ भने १ हजार ३ सय नयाँ संक्रमित थपिने गरेका छन् । 

नेपालमा अहिलेसम्म सबैभन्दा धेरै संक्रमित असोज २ गते थपिएका थिए । उक्त दिन २ हजार २० जनामा संक्रमण पुष्टि हुँदा ७ जनाको मृत्यु भएको थियो । 

नेपालमा अहिलेसम्म एकै दिनमा १७ जनासम्म संक्रमितको मृत्यु भएको छ । असोज ८ गते यति धेरै संख्यामा कोरोना संक्रमितको मृत्यु भएको हो । 

नेपालमा हालसम्म कोरोनाबाट ७१ हजार ८ सय २१ जना संक्रमित भएका छन् भने ४ सय ७६ जनाको मृत्यु भएको छ ।  ५३ हजार १३ जना कोरोना जितेर घर फर्किएका छन् । 

पछिल्लो १० दिनमा कहिले कतिको मृत्यु, कति संक्रमित ?