कोरोना संक्रमितको संख्या ७० हजार नाघ्यो

काठमाडौं- पछिल्लो २४ घण्टामा नेपालमा १ हजार ३१३ जनामा कोरोना संक्रमण पुष्टि भएको छ। यो सहित नेपालमा कोरोनाबाट कुल संक्रमित हुनेको कुल संख्या ७० हजार ६१४ पुगेको छ।

आज देशभर सक्रिय संक्रमितको संख्या १८ हजार २८९ रहेको छ। जसमध्ये संस्थागत आइसोलेसनमा ८ हजार २३७ र होम आइसोलेसनमा १० हजार ५२ जना रहेका छन्।

पछिल्लो २४ घण्टामा १२ हजार २६२ जनाको पीसीआर नमुना परीक्षण गरिएको छ।

हालसम्म नेपालमा ९ लाख ६८ हजार १८५ जनाको कोरोना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ।
आज देशभर ६ हजार ४६४ जना क्वारेन्टिनमा रहेका छन्।

पछिल्लो २४ घण्टामा कोरोना संक्रमणमुक्त भएर डिस्चार्ज हुनेको संख्या १ हजार ४५५ छ। योसहित हालसम्म नेपालमा कोरोनामुक्त हुनेको संख्या ५१ हजार ८६६ रहेको छ।

यस्तै पछिल्लो २४ घण्टामा नेपालमा कोरोना संक्रमणबाट ६ जनाको मृत्यु भएको छ।
योसहित नेपालमा कोरोनाबाट मृत्यु हुनेको कुल संख्या ४५९ पुगेको छ।