काठमाडौं- ६ रेक्टर स्केलको भूकम्प गएको एक घण्टा बित्न नपाउँदै सिन्धुपाल्चोकमा पुनः भूकम्पको दोस्रो धक्का महशुस गरिएको छ ।
सिन्धुपाल्चोकको राम्चे नै केन्द्रबिन्दू भएर बिहान ६ः१० बजे भूकम्पको दोस्रो धक्का गएको हो । दोस्रो धक्का ३.८ म्याग्नेच्युडको भएको राष्ट्रिय भूकम्प मापन तथा अनुसन्धान केन्द्रले जनाएको छ ।
बिहान ५ः१९ बजे सिन्धुपाल्चोकको राम्चेलाई केन्द्रबिन्दू बनाएर ६ रेक्टर स्केलको भूकम्प गएको थियो ।
रातभर परेको पानी र झिसमिसे बिहानीमा गएको भूकम्पका कारण स्थानीय त्रसित भएका छन् । भूकम्पसँगै पहिरोको जोखिम उच्च भएको भन्दै सचेत हुन विज्ञहरुले पनि आग्रह गरेका छन् ।
प्रकाशित: Sep 16, 2020| 07:48 बुधबार, भदौ ३१, २०७७
