जगदम्बा इन्टरप्राइजेजका सीईओको कोरोनाबाट मृत्यु, मृतकको संख्या ५५ पुग्यो

वीरगन्जको गण्डक अस्थायी कोभिड अस्पतालको भेन्टिलेटरमा उपचारतर ५६ वर्षीय सीईओको बिहीबार राति मृत्यु भएको हो ।

नेपाल समय | शुक्रबार, साउन १६, २०७७

नेपाल समय

शुक्रबार, साउन १६, २०७७

जगदम्बा इन्टरप्राइजेजका सीईओको कोरोनाबाट मृत्यु, मृतकको संख्या ५५ पुग्यो

वीरगन्ज– कोरोना भाइरसको संक्रमण भएका जगदम्बा इन्टरप्राइजेज प्रालि वीरगन्जका प्रमुख कार्यकारी अधिकृत (सीईओ)को मृत्यु भएको छ ।

उनलाई हिजो दिउँसोदेखि अक्सिजनको मात्रा कम भएपछि भेन्टिलेटरमा राखेर उपचार गरिएको डाक्टर निरजकुमार सिंहले जानकारी दिए । उपचारकै क्रममा राति ११ गते मृत्यु भएको उनले बताए ।

भारत निवासी उनी पुरानो मुटुरोगी भएको खुलेको छ । साउन ७ गते उनलाई अस्पतालमा उपचारका लागि भर्ना गरिएको थियो। उनको शव अहिले अस्पतालमै राखिएको छ।

योसँगै वीरगन्जमा मात्रै कोरोनाबाट १३ जनाको मृत्यु भएको छ भने देशभर अहिलेसम्म ५५ जनाको मृत्यु भएको छ ।

वीरगन्जमा बिहीबार नै २ जनाको मृत्यु भएको थियो । बुधबार पनि २ जनाको मृत्यु भएको थियो ।

प्रकाशित: Jul 31, 2020| 08:30 शुक्रबार, साउन १६, २०७७