काठमाडौं– गत बिहीबारदेखि ओरालो लागेको सेयर बजार परिसूचक (नेप्से) आज ७.३५ अंकले बढेको छ।
बढेको बजार १४९५.१६ अंकमा पुगेर रोकिएको हो।
आज १९० कम्पनीको ४१ लाख ८० हजार सेयर किनबेच हुँदा १ अर्ब ७९ करोड रुपैयाँ बराबरको कारोबार भएको छ।
आज व्यापार उपसमूह ८१.३ अंकले बढेको छ। त्यस्तै विकास बैंक उपसमूह ७.४, जलविद्युत् २१.१, फाइनान्स ४.४९, निर्जीवन बिमा ७३.४३ र जीवन बिमा ४८.५९ अंकले बढेको छ।
त्यस्तै बैंकिङ २.८५ र होटल ४.९६ ले घटेको छ।
आज सबैभन्दा बढी नेपाल पुनर्बिमा कम्पनीको २७ करोड ५५ लाख ३९ हजार रुपैयाँ बराबरको कारोबार भएको छ।
प्रकाशित: Sep 08, 2020| 16:12 मंगलबार, भदौ २३, २०७७
