काठमाडौंमा कोरोना संक्रमणको दर उच्च, ५३ जिल्लामा कहाँ कति थपिए ?

काठमाडौं– पछिल्लो २४ घण्टामा मुलुकका ५३ जिल्लामा कोरोना संक्रमण भएको छ। आज पनि काठमाडौंमा सबैभन्दा बढी ३५७ जना कोरोना संक्रमित थपिएका छन्।

उपत्यकाका तीन जिल्लामा गरी ४४५ जनामा संक्रमण भएको स्वास्थ्य तथा जनसंख्या मन्त्रालयको विवरणमा उल्लेख छ। केही दिनदेखि काठमाडौं उपत्यकामा संक्रमणको दर उच्च छ। बुधबार ३८८ जना, मंगलबारर ४८१ जना, सोमबार २९८ र आइतबार ४२९ जनामा कोरोना संक्रमण भएको थियो।

पछिल्लो २४ घण्टामा धनकुटामा तीन जना संक्रमित थपिएका छन्। यस्तै झापामा १२, मोरङमा ४६ र ओखलढुंगामा थप सात जनामा कोरोना भाइरस संक्रमण भएको छ। यस्तै तेह्रथुम र उदयपुरमा दुई दुई जना थपिएको स्वास्थ्य तथा जनसंख्या मन्त्रालयको विवरणमा उल्लेख छ।

संखुवासभामा थप ६ जनामा कोरोना भाइरस संक्रमण भएको छ भनेसुनसरीमा २७ जना थपिएका छन्।

सप्तरीमा एक, धनुषामा ६४, महोत्तरीमा २० र सर्लाहीमा थप १०९ जनामा कोरोना संक्रमण भएको छ। बारामा आज ७१ जना तथा पर्सामा ६५ जना संक्रमित थपिए भने रौतहटमा २९ जनामा संक्रमण भएको छ।

रामेछापमा एक, दोलखामा पाँच, भक्तपुरमा ४२ र धादिङमा तीन जना संक्रमित थपिएका छन्। काठमाडौंमा आज पनि सबैभन्दा बढी ३५७ जनामा कोरोना संक्रमण भएको मन्त्रालयको विवरणमा उल्लेख छ।

काभ्रेपलाञ्चोकमा सात, ललितपुरमा ४६, नुवाकोटमा चार जना संक्रमित थपिएका छन्। सिन्धुपाल्चोकमा तीन, चितवनमा ५६ तथा मकवानपुरमा थप २२ जनामा कोरोना संक्रमण भएको छ।

बागलुङमा एक, गोरखामा पाँच, कास्कीमा ३१ र लमजुङमा नौ जना कोरोना संक्रमित थपिए। यस्तै पूर्वी नवलरासीमा ६, तनहुँमा तीन र
कपिलवस्तुमा थप ११ जनामा कोरोना संक्रमण भएको मन्त्रालयको विवरणमा उल्लेख छ।

पश्चिम नवलपरासीमा नौ, रुपन्देहीमा ५२ र गुल्मीमा थप १० जनामा कोरोना संक्रमण भएको छ। पाल्पामा दुई, दाङमा चार र प्यूठानमा दुई जना संक्रमित थपिएका छन्।

बाँकेमा आठ र बर्दियामा थप आठ जनामा कोरोना संक्रमण भएको छ। सल्यानमा दुई, कालिकोटमा दुई, सुर्खेतमा सात, दैलेखमा ६ र जाजरकोटमा एक जना संक्रमित थपिएका छन्।

कैलालीमा १५ जना र अछाममा ६ जना थपिएका छन्। डोटीमा चार, बझाङमा १०, कञ्चनपुरमा तीन तथा बैतडी र दार्चुलामा थप दुई दुई जनामा कोरोना संक्रमण भएको मन्त्रालयको विवरणमा उल्लेख छ।

यसरी पछिल्लो २४ घण्टामा देशभरका जिल्लाका ३९४ महिला र ८३४ पुरुषमा गरी एक हजार २२८ जनामा कोरोना संक्रमण भएको छ। यो सहित देशभर कोराना संक्रमितको कुल संख्या ४२ हजार ८७७ पुगको छ। आज सम्म २४ हजार २०७ जना निको भएका छन्। यो कुल संक्रमितको ५६ प्रतिशत हो।