नेपाली कांग्रेसका प्रवक्ता विश्वप्रकाश शर्माले देशको झण्डा जलाउनेलाई कारवाही गर्न कुनै छलफल, बहस आवश्यक नपर्ने टिप्पणी गरेका छन्।
नेपालको झण्डा जलाएको तथा निश्चित जाति तथा समुदायलाई गाली गरिएको भिडियो युट्युबमा सार्वजनिक भएपछि शर्माले यस्तो ट्विट गरेका हुन्।
'देशको झण्डा, नक्सा या अन्य कुनै पनि प्रतीक चिन्ह जलाउनेलाई के गर्ने भनेर कुनै छलफल र बहसको आवश्यकतै हुन्न। तत्काल खोजी गर्ने, गिरफ्तार गर्ने र कानुनमा व्यवस्था भएबमोजिम कडा कारवाही गर्ने,' शर्माले ट्विट गरेका छन्, 'नेपालको पहिचान र नेपालीको संवेदनशिलता उपरको प्रहार जोबाट होस्, त्यो कहिल्यै क्षम्य हुन्न।'
सम्बन्धित समाचार
प्रकाशित: Aug 18, 2020| 14:13 मंगलबार, भदौ २, २०७७
