'नेपालको राष्ट्रियतामाथि कसैले निम्छरा वचन नबोले हुन्छ'

प्रधानमन्त्री केपी ओलीले कुनै पनि देशलाई नेपालको स्वाभिमान र राष्ट्रियतामाथि कमजोर र निम्छरा वचन नबोल्न आग्रह गरेका छन्।

नेपाल समय | मंगलबार, जेठ ६, २०७७

नेपाल समय

मंगलबार, जेठ ६, २०७७

सरकारको नीति तथा कार्यक्रममाथि छलफलमा उठेका जवाफ दिँदै प्रधानमन्त्री ओलीले भने, 'नेपालको स्वाभिमानमाथि कमजोर र निम्छरा वचन कुनै देशले नबोले हुन्छ। कुनै देशको भूगोल सानो वा ठूलो हुन्छ, जनसंख्या धेरै वा थोरै हुन सक्छ, विकसित र अविकसित हुन सक्छ तर राष्ट्रियता सानो ठूलो हुँदैन । सबैले बराबर स्वाधीनताको प्रयोग गर्न पाउनुपर्छ ।'

उनले थपे, 'विश्वव्यापी मान्यताअनुसार हरेक देशले आफ्ना नीति आफूले बनाउन र कार्यान्वयन गर्न पाउनुपर्छ। वर्तमान सरकार कुनै विदेशीको कृपाले गठन भएको होइन, नेपाली जनताले बनाएका हुन्। कसैले ढाल्छु भनेर नसोचे हुन्छ। सरकार ढाल्छौं भनेर कसैले आँट नगरे हुन्छ।'

प्रकाशित: May 19, 2020| 13:21 मंगलबार, जेठ ६, २०७७