गुरुङ समुदायले मनाए ल्होसार (तस्बिरहरु)

काठमाडौं– देशभरका गुरुङ समुदायले आज (मंगलबार) तमु ल्होसार पर्व धुमधामसँग मनाउँदैछन्। हरेक वर्ष पुस १५ गते तमु ल्होसार मनाइन्छ। ‘ल्हो’को अर्थ वर्ष र ‘सार’ को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको जानकार बताउँछन्।

यस वर्ष पुस १४ गते राति १२ बजे मृग वर्षबाट मुसा वर्ष सुरु भएको छ। परापूर्वकालमा गुरुङ समुदायले वर्षलाई गन्न १२ जनावरको नामबाट नयाँ वर्षको नामाकरण गरेका थिए।

जसअनुसार मुसापछि गाई, बाघ, बिरालो, सुगा, सर्प, घोडा, भेडा, बाँदर, चरा, कुकुर र मृग वर्ष नामाकरण गरिएको हो। पुस १५ गतेको रात सबैभन्दा लामो हुने र यसपछिका रात घट्दै जाने भएकाले पनि यस पर्वको महत्त्व रहेको बताइन्छ।